每個媽媽生完小朋友之後都會覺得身心疲累，要照顧屋企家頭細務，要照顧小朋友，有時仲要服待埋家中「大爺」。如果你老公係神隊友咁就唔洗怕，佢仲會幫你手分擔家中嘅所有事。不過，如果你老公係豬隊友，咁就只會令你脾氣更加暴躁！依家就同大家一齊盤點下5大媽媽最憎爸爸做嘅行為啦！
撰文：Kammy｜圖片來源：Instagram，unsplash，新傳
延伸閱讀：
5大媽媽最憎爸爸做嘅行為
1.唔主動了解仔女
「醜人」呢個角色好多時都係由媽媽去做，爸爸嘅職責都係同啲仔女玩，但好多時佢哋唔會主動了解仔女嘅情況，好似係幾時默書考試、幾時家長日、邊日會早放等，爸爸多時咩都唔知，仲會畀媽媽一種感覺：「點解個老公完全唔關心屋企嘅事？」
延伸閱讀：
有時就連仔女嘅成績係點，爸爸們都唔會主動問，只係在乎究竟自己放工之後，使唔使同啲仔女玩。其實爸爸們不妨主動關心下仔女，同佢哋傾吓偈，有時唔係同佢玩下玩具就叫關心咗㗎！
延伸閱讀：
2. 只顧細唔關心個大
如果係生女嘅媽媽一定感受更大，話明囡囡係爸爸嘅「前世情人」，爸爸嘅愛同照顧隨即就落晒喺個女身上，會對阿女呵護備至，打電話嚟唔係問個老婆點，而係「阿女佢食咗飯未？」、「阿女佢做緊咩呀？」，有時可能仲會話「你畀個電話阿女聽啦」，媽媽地位嚴重下降。
延伸閱讀：
雖然作為媽媽，有時見到爸爸咁關心個女都係件開心事，不過對於老公將本身對自己嘅愛轉移去個女度，其實都係會呷醋，所以爸爸一定要攞好兩邊嘅平衡，唔好得失晒兩邊呀！
延伸閱讀：
3. 喺屋企就做大爺
好多爸爸都覺得，返工返到咁辛苦，返到屋企一定要好好咁休息，有時仲會不自覺咁變到成個「大爺」咁，搞到老婆好似「宮女」咁！雖然媽媽大多負責家頭細務，但其實唔代表係奉旨咩都要做！
延伸閱讀：
4. 無視媽媽的教法
作為父母其實最好就係雙方嘅教法一樣，不過好多時爸爸都會搞破壞，就係你呢頭罰完個小朋友，個頭老公又會氹返佢。有時好似測驗考試週個時，明知小朋友要溫書，仲冇啦啦買份玩具返嚟，令仔女極度心散！永遠媽媽都係做醜人，然後仔女只係鐘意爸爸…
延伸閱讀：
5.幫親不幫理
屋企有親家幫手湊小朋友，如果老爺奶奶湊得唔啱，或者干涉媽媽點湊B，好多時爸爸都唔會幫手出聲，會叫媽媽「你忍下啦」、「佢都只係錫個孫」，完全幫親不幫理，有時仲會返轉頭話自己老婆有錯！做媽媽嘅真係辛苦喇…
延伸閱讀：
延伸閱讀：
