相信大家都有聽過「人生得一知己，死而無憾」，不過要搵到個好知己、死黨、閨蜜其實一啲都唔容易，有好多嘢只有好朋友先做，會陪你喊、陪你笑、仲要陪你傻。如果你已經搵到呢啲好朋友，咁就記住要好好珍惜啦！
撰文：Sunday Kiss｜圖片：Instagram
延伸閱讀：
好朋友先會做嘅20件事
1. 唔介意同你撞衫
好多時打扮後出門，如果見到同人撞衫一定會好嬲同好尷尬。不過，如果係同好朋友撞衫就唔同講法啦，又或者著同色系嘅衫，你唔會覺得有問題，你哋仲會認為彼此間好有默契添！
延伸閱讀：
2.如果你失戀就飛出嚟陪你
當你好朋友聽日要返工，又或者要做緊要事，但只要聽到你失戀，即時已經半夜，佢都會打起精神，即刻飛去陪你，仲會一齊陪你鬧前度係負心漢，慕求令你心情舒服啲。
延伸閱讀：
3. 希望你幸福就好
好朋友就係會喺你失戀時一齊鬧前度，但喺你搵到幸福時都會祝你幸福。呢個時候，佢哋仲會有種「嫁女感覺」，覺得好似唔捨得，怕你又再畀人恰，但仍會以你快樂為優先，只要你開心就會支持你。
延伸閱讀：
4. 放心同佢講秘密
秘密呢家野真係要好小心，一個唔覺意講咗畀個大喇叭知，唔洗24小時全世界都知，到時出醜嘅係自己。不過對住佢，你可以好放心將秘密講佢知，因為你知道佢一定唔會出賣你，對佢百分百信任，佢對你亦都一樣。
延伸閱讀：
5.對你瞭若指掌，知你「不可告人的秘密」
相處耐咗，你哋知道對方鍾意咩style嘅衫、鍾意咩特徵嘅男仔/女仔；唔鍾意食啲咩、唔鍾意點樣嘅人。唔使問對方，都知道佢一定鍾意份禮物。另外，更會好清楚知道對方不可告人嘅一面，好似知知道你中學暗戀過邊個、試過喺邊度屙爆咗個廁所等。
延伸閱讀：
6. 見盡素顏、醜態
係好朋友面前可以放鬆做返自己，係屋企人以外嘅comfort zone，唔需要戴面具、唔需要打扮、甚至唔使戴bra都可以自在地係對方面前大笑大喊。
延伸閱讀：
7.無時無刻一齊講賤野
唔熟你嘅人可能會覺得你好斯文，但喺死黨面前就係勁嘴賤，因為佢唔會介意你把口有幾衰，而係會同你一齊嘴賤。有時候，你哋仲會喺度問「點解我哋可以咁嘴賤」！
延伸閱讀：
8. DEAD AIR唔怕尷尬
同唔太熟絡嘅人一齊最怕就係無話題，不過同好朋友一齊，即使大家都唔講野，都唔會覺得尷尬，享受大家無所不談，亦享受大家一齊分享片刻嘅寧靜。
延伸閱讀：
9. 有好嘢會即刻「開心Share」
呢個動作一定好常見，就係上Facebook，睇Instagram，只要一見到優惠，又或者係好笑嘅post，你都會即刻share畀對方，分享你嘅快樂。另外，平時啲日常用品，好似見到護膚品又平又抵用，你會買埋畀佢；食過啲咩好食，你都會自然買多份畀佢。
延伸閱讀：
10. 支持你令你成長
喺你每一個階段都有呢個好朋友陪你，你做嘅每一個決定佢都會陪你一齊分析邊個對你最好，有咩係對你不利，仲會無條件支持你，邁向每個新階段。
延伸閱讀：
11. 隨時做你樹窿有需要即時出現
當你返工畀老闆鬧，做到心灰意冷；當你湊仔湊到攰，想抖下，好朋友就可以擔當一個樹窿嘅角色，24小時stand by聽你呻，同你分享負能量。
延伸閱讀：
12. 陪你笑過、喊過
你哋之間有特別嘅語言，一個眼神、一個暗號已經可以笑到趴喺地。一齊經歷歡樂，亦一齊經歷悲傷。你畀人恰、佢比人飛，你哋會耐心聽對方吐苦水，見到佢喊，你甚至比佢更傷心，喊埋一份。
延伸閱讀：
13. 陪你一齊癲
你扮鬼，佢扮馬，唔會扔低對方，要癲就一齊癲，要喪就一齊喪。為咗追明星而一齊走堂訓街、為咗平機票一齊今日買聽日飛、失戀陪你坐海邊等天光，呢一點一滴就係你哋最美好嘅回憶。
延伸閱讀：
14. 討厭你討厭嘅人
好朋友就係你最好嘅戰友、後盾，永遠都係同一條船。所以你討厭任何一個人，佢都會同你一齊討厭嗰個人，咁你哋就可以一齊講佢壞話。
延伸閱讀：
15. 唔會出賣你
死黨就係無論幾時都企係你果邊，無論用幾多錢都買唔到，就算人哋係咁叫佢講，佢都一定唔會爆你秘密，更加唔會喺你背後講你壞話，一定唔會出賣你。
延伸閱讀：
16. 直腸直肚無隱瞞
對住其他人你會刻意去修飾用字，就算佢著件衫唔好睇，你都會話好有特色呀。但對住死黨，識咗咁多年，妻係唔會對佢講假話，呢條褲著到佢pat pat好大就直接叫佢換過條。
延伸閱讀：
17. 唔怕得罪對方
你地對住大家係咩都講得出口，因為你知道就算佢呢一刻嬲咗你，下一刻就會原諒你，你對你地之間無堅不摧嘅友誼十分有信心。
延伸閱讀：
18. 病咗會鬧你關心你
當你貪靚著得勁少布、係咁食煎炸野食雪糕，然後順理成章咁病到五顏六色，佢會鬧你仲著咁少衫、要著多件外套、唔準偷食雪糕、要留係屋企休息。
延伸閱讀：
19. 走過高山低谷做專屬嘅「救生圈」
人總有失意嘅時候，當你好唔開心，自己困住自己時，佢一定會出手拉你一把，唔會畀你一個人跌落深淵。好朋友仲會陪你經歷人生高低，你成功會為你感到開心，你低落時會不斷畀支持你。
下頁續 …
延伸閱讀：
20. 不常見面，但一見面就講唔停
就算天角一方、各有各忙，友誼都係永不死嘅！就算幾耐無見，一見面依然搵得返以前無所不談嘅感覺，唔會生疏。就算對方長時間唔喺香港，你都會會定時定侯去探佢，而對方返嚟見得最多嘅人就係你。
延伸閱讀：
延伸閱讀：
